Shopping Cart
0 items
 
Specials
 

Oscar CV (Afrikaans)

                           CURRICULUM VITAE - OSCAR EHRENSPERGER

Oscar se missie is om kinders van God deur sy musiekbediening in Jesus te bemoedig en ander vir Jesus se koninkryk te wen.

 

Oscar is gebore in Wynberg , Wes-Kaap, op 28 Oktober 1948. Hy was op laerskool in Hopetown, waarna hy sy hoërskool opleiding voltooi het in Newcastle, Kwa Zulu Natal.

Nadat Oscar vir agt jaar verbonde was aan die Departement van Justisie (Klerk van die Hof, Staatsaanklaer en Assistant- Landdros) het hy verder studeer aan die Universiteit van Natal, Pietermaritzburg, waar hy die grade BA en LLB behaal het in onderskeidelik 1976 en 1978. Hy het daarna vir tien jaar as prokureur in 'n privaat praktyk gepraktiseer in Pietermaritzburg tot 1990. Oscar is sedertdien in ‘n voltydse geestelike sangbediening en baie dankbaar vir die genade van 26 jaar. 

 

In 1976 is hy getroud met Erica en hulle het twee dogters, Isabella en Ilse.  Die gesin woon sedert April 2003 in Mosselbaai.

 

Oscar tree ook internasionaal op. Hy sing dikwels by verskeie gemeentes in die VSA in o.a. die state Missourri, Tennessee, South Carolina en Georgia. Hy het ook gedurende Oktober 2003 in Perth, Australië,  opgetree en die lof en aanbidding gelei by die Keswick Konvensie.   Hy het ook gedurende Mei 2009 ‘n suksesvolle bedieningstoer gehad in Kanada en in die VSA gedurende Oktober 2016. Sy volgende toer na VSA is gedurende Oktober 2017 DV.

 

Oscar bedien interdenominaal in verskeie Afrikaanse sowel as Engelse kerke, skole, Herlewings-Kongresse, Konvensies, Paaskonferensies, Pinksterdienste, gevangenisse, manne- en vrouekampe, ontbyte ensovoorts. Hy het bv.gedurende 2009 in 21 gevanggenisse bedien en bedien elke jaar steeds verskeie gevanggenisse.

 

Oscar is sedert 1982 lid van die Gideons Internasionaal in Suid-Afrika. Gedurende 1988 was hy deel van die Gideons se Internasionale Uitbreidingsaksie-bybelplasing in Brasilië. Hy het ook twee Internasionale Gideon Konvensies in die VSA bygewoon by Denver,CO en Nashville,TN. 

 

Hy was ‘n Radio Kansel aanbieder van die programme Music with a Message, Mosaiek, Spektrum en Into Thy Presence  vir ongeveer 12 jaar.

 

Twee-en-twintig solo-musiekalbums [CD's] van Oscar is reeds deur Oscar Music Ministries uitgereik, asook twee DVDs :

1. Brother to Brother                                   14. Heaven    

2. Gospel Favourites                                     15. Holy Night                             

3. The River                                             16. Breakthrough

4. It's a Miracle                                        17. DVD : Live at Memphis, TN,USA

5. My Kind [Afrikaans]                                  18. Praise & Worship Vol 3 (dubbel CD)   

6. Brighter Day                                          19. Moods of the mountain DVD  

7. Praise & Worship Vol 1 (Heruitgereik)               20. Gospel Favourites Vol 2 [dubbel CD]  

8. Praise & Worship Vol 2                               21. Praise & Worship Vol 4 – [DES 2013]

9. Enjoy the Journey                                    22. HOPE CD [vrygestel in April 2015]

10. That's my Jesus                                    23. WYS MY DIE PAD CD - [Maart 2016]

11. Lof & Aanbidding [dubbel CD]                      24. BEST OF OSCAR VOL 2 [Junie 2017]

12. Best of Oscar Vol 1

13. 24 Original Songs [dubbel CD]                           [Nuwe vrystellings in Rooi]

 

OSCAR SE VOLLEDIGE KATALOGUS IS OOK AFLAAIBAAR OP SY WEBBLAD (snitte en/of volledige albums)  (luister gerus na die klankmonsters van musieksnitte).

 

Vir optredes of bestellings kan OSCAR MUSIC MINISTRIES gekontak word by :

Tel :    (044) 690 7820     Sel 084-5807532       

 Posadres:   Posbus 211     Heiderand 6511 (Mosselbaai)

E-pos : oscarehr@iafrica.com     Webblad by   www.oscarmusic.co.za 

                                       DIE EVANGELIE IN LIED AAN DIE NASIES